Hrithik ka naya gaana

Kal hi naya gaana release hua hai hrithik ki film super 30 ka. Waise gaana ek dum bekaar hai yaar mujhe to bilkul bhi pasand nahi aaya hai. Iss ke alawa hrithik ko itna kharab dikhaya hai ki kya batau. Ananat kumaar ka photo to maine dekha hi hai lekin wo itna kharab nahi dikhta hai. Bekaar me hrithik par itna make up laga diya hai ek dum bhadda kar diya hai itne smart hero ko. Sala dekh kar hi achha nahi lag raha hai. 

Image from hrithik roshan

Iss me jo heroine hai na iss ka nam hai mrunal thakur iss ko main serial me dekh chuka hoon. Kumkum bhagy naam se iss ka serial aata tha mujhe wo serial pahle bahut pasand tha. Ye pragya ki bahan rahti hai iss ka naam bulbul rahta hai. Waise pragya se jyada sundar yahi dikhti hai. Bahut pahle hi maine ye serial dekhna chod diya. Padhaayi me busy rahne laga dost fir kon serial dekhe. 

Aap ko pata hai iss ka serial 2014 se chal raha hai aur abhi bhi chal raha hai. Pata nahi usme bulbul hai ki nahi hai. Mere khyaal se nahi hogi tabhi to film me aayi hai warna kyo aati hai ki nahi. Waise serial me to ye thik hi dikh rahi thi lekin film me utna achha look nahi diya hai iss ko. Aisa look diya hai bechaari ko ki iss ke baad ab koi sayad iss ko koi film hi na de. Waise acting to ye thik hi kar leti hai. 

Chaliye aap log pahle iss ka gaana sun lijiye baaki ki baate hum baad me bhi kar lenge. 

Video from zee music company

Haan to ab bataiye ki aap ko gaana kaisa laga hai. Mujhe bekaar laga hai. Ek aisa hi gaana shahid kapoor ki film mausam me tha. Aisa hi gaana nahi tha mera matlab scene kuch aisa hi tha. Shahid bhi sonam kapoor ko aise hi chup chup ke yaha waha se dekhte they. Wo gaana kya tha main bhool gaya net me search bhi kiya lekin mujhe mila nahi aap ko yaad ho to mujhe gaane ka bol batana niche comment me thik hai. 

Shahid kapoor wala jo gaana tha wo thoda sahi tha yaar lekin ye gaana to bekaar laga hai. Upar se hrithik ko itna kharab dikhaya hai ki bas pucho hi mat mujhe to bada hi gussa aaya hai itna kharab look diya hai isliye. Waise bhai isi look ko dekhne ke liye film dekhne waale jaayenge jinko look dekhna hota hai jo smart dikhte hai wo sirf smart hero heroine ko dekhne jate hai lekin jinko film dekhna hota hai na wo yahi sab film dekhne ke liye jaate hai. 

Image from hrithik roshan 

Ye dekhiye hrithik roshan apne pure team ke saath hai. Apne bachho ke saath jinko ye padhaate hai aur inke sabhi bachho ek dum nichle jaati ke hote hai. Chamakar mahra dom yahi sab ko ye padhaate hai aur unme se adhiktar bachhe pass hote hai. 

Baaki aap logo ne ananat kumar ki kahani to padhi hi hogi aur agar nahi padhi hai to fir main aap se kahunga mat hi padho to achha hai ab film aa hi rahi hai to bhai sidha film dekh lena. Hrithik roshan iss film me lead role me hai to bhai iss film ko dekhne me maja bhi aayega. Hai ki nahi isliye main aap se kahunga ki ye film jaa ke jarur dekhna.