Yerimək🚶🏼‍♀️||#club5050

Bu dəfə sizlərə sevərək etdiyim,günlük vərdiş halına gətirməyə çalışdığım şeydən danışacam. Yerimək. Çox uzun yol yeriməkdən zövq alıram. Hələ getdiyim yolun mənzərəsi gözəl olarsa lap əla.Sanki yeridikcə rahatlayıram, fikir və düşüncələrimdən uzaqlaşıram.Keçdiyim yerlərdə maraqlı şəkillər çəkməyi də sevirəm. Ətrafdakı insanları müşahidə edirəm.

Həmçinin alimlər qeyd edirlər ki, "daha sağlıqlı beyin üçün yeriyin". Mütəmadi olaraq yerimək beyin hüceyrələrində yeni əlaqələrin yaranmasına kömək edir və beynin yaddaşa cavabdeh olan sahələrindən biri olan hipokampusun həcmini artırır. Yerimək bədənimizin zehni məşğul etmədən edəbiləcəyi hərəkətdir. Elə buna görə də yeriyərkən ətrafımıza fikir verə bilirik. Bu da müxtəlif zehni qabiliyyətimizi inkişaf etdirə bilər. Həmçinin günlük gəzinti insanları depresiya və stresdən uzaqlaşdırmağa da kömək edir.

Yeriməyə daha fərqli baxış bucağı ilə baxanlar da var təbii ki. Məsələn, "sadəcə yeriyərkən ağla gələnlər həqiqətən böyük düşüncələrdir"-sözlərinin sahibi,- Friedrich Nietzsche. Deyilənlərə görə əsərlərinin çoxunu yeriyərkən yazırmış.

Həmçinin "A Philosophy of Walking"(Yeriməyin fəlsəfəsi) kitabının yazarı Frederic Gross, iddia edir ki, yerimək idmandan daha çox fəlsəfəyə yaxın bir hərəkətdir. İdman xüsusiyyətlərindən çox, sadəcə yerimək üçün edilən gəzintinin fərqində olmaq,nəfəs almaq və düşünməklə bağlı olduğunu deyir.
Bəli, steemitçilər siz necə sevirsinizmi yeriməyi?