Mətbəx saatları

Hər vaxtınız xeyirli olsun. Steemit yazarlarına salamlar olsun.

Bu gün şənbə günüdür. Vaxt elə tez keçir ki. Elə bil bir göz qırpımında həftə ötür. Bu saatı keçən həftə çəkmişəm. Birinci dəfə idi ki, belə bir saata rast gəlirdim. Maraqlı saatdır. Çömçə, qaşıq, çəngəl, kəfgir. Saatlar haqqında çox yazmışam, paylaşmışam. Bu saatlar fərqli olduğu üçün paylaşmaq istəyirəm.

Bu gördüyünüz saatları suvenirlər satılan yerdə çəkmişəm. Yüzə yaxın böyüklü-kiçikli saatlar var idi. Bir-birindən fərqli, gözəl, maraqlı saatlar satılırdı, lakin mənim diqqətimi bu iki saat çəkdi. Ümumiyyətlə, bütün saatların funksiyası eynidir. Onları qiymətli edən ya tarixidir, ya materialıdır, ya da görünüşüdür.