Kab honge mere sapne pure
Bhaaiyo duniya ghumna kiss ko pasand nahi hota hai. Sabhi ko travel karna bahut jyada pasnad hai sayad aap ko bhi pasand hoga. Mujhe to bahut jyada pasand hai lekin kya batau aap ko meri jindagi 4 deewari me hi kaid ho ke rah gayi hai. Main bhi duniya ghumna chahta hoon alag alag logo se milna chahta hoon lekin kuch bhi sapne mere pure nahi ho rahe hai.
Image source
Main jaha rahta hoon waha bhi mera koi dost nahi hai. Agal bagal me koi aisa ladka hi nahi hai jiss se dosti karu kyo ki main shahar me nahi gaaon me rahta hoon aur yaha sirf buddhe log hai. Jawan log kaam karne baahar chale gaye hai aur kam jawan log shahar me rah kar padh rahe hai. Mera to padhaayi complete ho gaya hai aur trading kar ke kama raha hoon isliye kahi baahar job karne ki jarurat nahi padi.
Lekin bas 4 deewari me hi rahta hoon apna computer chala chala ke. Iss ke alawa koi kaam dhandha hai hi nahi yaar. Pata nahi kab ghumne jaaunga kab jindagi ke maje lunga. Koi maja hi nahi hai meri life me bas subah utho computer on karo aur raat ho jaaye to computer band kar ke so jaao iss ke alawa koi aur kaam aata hi nahi hai mujhe. Koi dost hi nahi hai jiss se milne jaau jiss ke saath kahi ghumne jaau. Ya masti majaak karu.
Duniya ghumne ka bahut shaukh hai mujhe.
Ye puri duniya mujhe ghumni hai alag alag logo se milni hai lekin pata nahi ye kab sambhao hoga. Kyo ki main itna bhi nahi kamata hoon ki ye duniya ghum saku. Upar se ye steem ka rate bhi nahi badh raha hai. Kaash iss ka rate $8 hi rahta to aaj main kaha se kaha pahuch chuka hota lekin iss ka rate badhne ka naam hi nahi le raha hai.
Sala $1 ka bhi rahta na to chalo koi baat thi lekin itna bhi nahi ho raha hai iss ka rate. Aap hi batao banda jiye to jiye kaise paise ke bagair. Itna kam rate me sell karne ka koi faayda bhi to nahi hai. Jab tak achha rate na mile tab tak kya faayda bhai sell kar ke.
Pata nahi kab kamaunga aur iss duniya ko ghum paaunga. Abhi tak sala main apne state se bhi kabhi baahar dusre state nahi gaya hoon aur ye ajeeb hai ki main duniya ghumne ki baat soch raha hoon pata nahi ye kaise hoga lekin ek na ek din to bhai log ye jarur hoga. Aap log mere saath bane rahe dekhna ek din aayega jab main aap logo ke saath duniya ghumne ki photo share karunga.
You got a 95.30% upvote from @minnowvotes courtesy of @akshaykumar12257!