Gaaon ghum lo mitro
Aaj apne gaaon ghumne ke liye aaya hua hoon bhaaiyo. Gaaon jyada door nahi bike se aane par bas 1 ghanta hi lagta hai isliye mood karta hai to kabhi kabhi aa jaata hoon. Gaaon me aam khaane ko mil jaata hai yaha saamne saamne me aam ka ped hai. Sahar ka to haal aap log jaante hi ho udhar to sala ped hi nahi hota hai. Gaon me taazi hawa khaane ko milte hai yaar isliye bahut maja aata hai soch raha hoon kal gaon me hi rukunga.
Dekh rahe ho aap log aam ka bagaan, are pura photo liya nahi main lekin ye ped mujhe bahut achha lag raha tha iss ke saamne saamne hi aam lage huye they. Koi bhi banda ye aam ko tod sakta hai. Aur iss ke aam bhi ek dum mast meethey they khaane me bahut hi jyada achhe lage they.
Shahar me aam bahut mehnga mil raha hai lekin gaaon me to bhai muft me hai. Waise wo jo aam khaate hai kamli aam wo nahi hai. Lekin ye bhi achha hai bhai log ye bhi khaane me thik hi lagta hai meetha hai aap log khud hi dekh sakte ho.
Ab dekhiye gaaon ke bachho ko ye gaaon ke bache hai ek dum stylish ban kar nahi rahte hai shahar ke bachho ki tarah. Apne me hi magan rahte hai ye log aur mast jindagi ke maje lete hai. Idhar se udhar bhaagte firte hai aur aam todte rahte hai ye log abhi kanche khel rahe hai. Jitna inme sahan shakti hoti hai na utna shahar ke bachho me nahi hoti hai aur aap log to ye baate jaante hi honge.
Shahar ke bachhe kamjor hote hai lekin gaaon ke bachhe bahut majboot hote hai. Inka khaana peena bhale hi humari tarah nahi hota lekin shahar ke bachhe jitna 3 time me khaate hai na utna ye log ek time me khaate hai. Kaam bhi to karte hai bhai log aise hi thodi na khaate hai. Bahut mehnat karte hai gaon ke bachhe. Sirf padhayi me hi nahi mummy papa ki bhi puri madad karte hai. Aur ye gareeb ke bachhe hai sarkari school me padhte hai.
Abhi bachhe log kanche khel rahe hai bachpan me maine bhi bahut kanche khele hai yaar. Bottle me bhar bhar ke rakhta tha main kanche. Aaj bhi wo din yaad kar ke bada maja aata hai ek alag parkaar ki khushi milti hai lekin afsos ab wo khushi milti nahi. Ab to bhai jindagi jhand ho gayi hai bas kaam me lage raho aur kuch hai nahi. Koi maje nahi koi saath me kanche khelne wala nahi hai ab. Aur na hi koi cricket khelne wala hai.
