Aaj ka mausam mast tha

Bhaaiyo aaj ka mausam bahut hi suhana tha aur maja aa raha tha. Sala bahut garmi tha kuch din se lekin aaj shaam shaam me mausam thanda ho gaya. Bahut bhayanak garmi hai yaar humare yaha to 47 degree tak pahuch gayi hai. Iss baar garmi bahut jyada lag rahi hai aur sunne me aaya hai ki agli baar bhi garmi bhyanak rahegi. Mera matlab ki iss saal se bhi bhayanak garmi rahegi agle saal aisa mausam vibhaag ka kahna hai. 

Ye sab isliye ki ped kaate jaa rahe hai. Har jagah ped kaat kar sadak banaayi jaa rahi hai building banaayi jaa rahi hai. Jungle ko kaat kar ke sahar bana diya gaya hai bhai log. Jungle raaj khatam ho gaya hai aur shahar raaj aa gaya hai. Lekin ye sahi nahi hai sirf janwaro ko hi nahi hume bhi iss ka nuksaan bhugatna padega. Isliye satark ho jaayiye aur saudhaan ho jaayiye. 

Bechare junglee janwar aur pakshiyo ko bahut nuksaan ho raha hai. Abhi parso hi maine aap ko dikhaya tha ek pakshi bechaari ped se niche gir gayi thi. Itna dhoop hai hi aur log pakshiyo ke liye apne chatt par ped par paani bhi taang kar nahi rakhte hai yaar. Are bhai apne saath saath unka bhi khyaal karo yaar unki bhi jaan hai. Aur ab bas bhi karo pedo ko kaatna sala ped kaatne se achha hai insaan ko kaato. 

Chalo maan liya ped kaatna jaruri hai waha pe road banana hai ghar banana lekin bhai waha kaat rahe ho to uske badle me dusri jagah ped bhi to lagao yaar. Agar ped lagaoge nahi to saaf hawa kaha se milegi. Mar jaaoge re bhai, jab bhi apne gaaon me jaata hoon to shukoon ki hawa khaa kar dil khush ho jaata hai. Gaaon me bas hariyaali hi hariyaali rahti hai aur bahut achhi hawa chalti hai bahut achha lagta hai yaar udhar rahne me. 

Lekin kya kare kamaane khaane ke liye to bhai shahar hi aana hoga na. Iss ke alawa aur kuch chara bhi to nahi hai. Sala shahar me garmi bhi bahut rahti hai aur gaaon me mast ped ke niche khatiya laga ke so jaao. Itni mast neend aati hai ki main aap ko bata bhi nahi sakta hoon aap khud hi kabhi anubhao kar ke dekh lena maja na aaye fir kahna mujh se.